Португалиялик футбол мутахассиси Жозе Моуриньо «Манчестер Юнайтед» жамоасига расман бош мураббий этиб тайинланди. Бу ҳақда манкунианларнинг расмий сайти хабар бермоқда.
53 ёшли мураббийнинг «МЮ» билан шартномаси 3 йилга мўлжалланган бўлиб, томонлар уни 2020 йилгача узайтириш имкониятига эга.
23 май, душанба куни «МЮ» раҳбарияти голландиялик мутахассис Луи ван Гални бош мураббий лавозимидан озод этганди. Португалиялик мутахассиснинг сўнгги иш жойи Лондоннинг «Челси» клуби бўлган. У қониқарсиз натижалари учун 2015 йилнинг декабрь ойида «Челси» бош мураббийлигидан истеъфога чиқарилган эди.
Эслатиб ўтамиз, «Манчестер Юнайтед» 2015/16 йилги мавсум якунига кўра Англия чемпионатида 5-ўринни эгаллади ва келаси мавсумда ЕЧЛ турнирида иштирок этиш ҳуқуқини қўлга кирита олмади. Шунингдек, жамоа Англия Кубоги соҳиби бўлди.
Изоҳ (0)