Lenovo афсонавий «буклама» — Motorola RAZR V3 тикланиши мумкинлигига шама қилмоқда (видео)

Lenovo’нинг YouTube’даги каналида Motorola RAZR V3 «асосий қаҳрамон» бўлган тизер жойлаштирилди. Компания шу тариқа афсонавий «буклама» тикланиши мумкинлиги шама қилгандек бўлади, дея хабар беради TJournal.

Роликда компания RAZR V3 ёшлар ўртасида ниҳоятда оммалашган 2000 йиллар бошларига қайтгандек бўлади. Motorola ўта ингичка ва енгил, клавиатураси нурланиб турадиган, корпуси магний ва алюминийдан ишланган, нархи эса 700 доллар атрофида бўлган «буклама»дан икки йил мобайнида 50 миллиондан кўпроқ сотганди (жами 130 миллион RAZR V3 харидорини топган).

2016 йил 9 июнда, Lenovo Tech World конференциясида компания айнан қандай қурилмани тақдим этилиши номаълум. Engadget тахминига кўра, бу Android асосида қайта ишлаб чиқарилган RAZR V3 бўлиши мумкин, шу билан бирга, гап Motorola’нинг янги маҳсулотлари ҳақида кетаётганлиги ҳам эҳтимолдан холи эмас.

Маълумот учун, Lenovo 2014 йили Google’дан Motorola мобил йўналишини 2,91 миллиард долларга харид қилганди. Бундан икки йил олдин эса Google уни 12,5 миллион долларга сотиб олганди.

https://youtu.be/RVzE1YS9UWM