Юрген Клопп бошчилигидаги «Ливерпуль» клуби Англия Премьер-лигасининг кучли тўртлигига кира олмайди. Сўнгги умид Уэльсда пучга чиқди.
Асосий эътиборини Европа Лигасида зафар қучиш ва шу йўл орқали келаси мавсум Европа Чемпионлар Лигасида иштирок этишга қаратаётган «Ливерпуль» «Суонси»га имкониятни бой берди. Таркиб танлашда Юрген Клопп экспериментга қўл урди ҳамда бошланғич таркибда бир қатор захира футболчиларини синаб кўрди.
Бунинг натижасида Уэльс клуби биринчи бўлимнинг ўзидаёқ иккита гол уришга муваффақ бўлди. Қўшимчасига, ўйин якунига 15 дақиқа вақт қолганида ливерпулликлар майдонда бир киши кам бўлиб қолди.
35 та ўйинда майдонга тушган «Ливерпуль» 55 очко билан АПЛнинг 7-поғонасини эгаллаб турибди. «Суонси» эса очколари сонини 43 тага етказиб, 13-ўринга кўтарилди.
Англия Премьер-лигаси 36-тур беллашуви 1 май, якшанба
Изоҳ (0)