Футбол бўйича Европа Чемпионлар Лигасининг иккинчи ярим финал ўйини ҳам якунланди. Мадридда Германиянинг «Бавария» клубини қабул қилган «Атлетико» Сауль томонидан киритилган ягона гол эвазига муваффақият қозонди.

Жорий мавсум ҳисобидан олиб қараганда, «Бавария» плей-офф босқичидаги 4 та ўйиннинг ҳеч бирида мағлубият аламини тотиб кўрмаганди. Бу сафар Хосеп Гвардиола жамоаси Мадрид клубига имкониятни бой берди.

Маълумот учун, «Бавария» Чемпионлар Лигасининг сўнгги икки мавсуми ярим финалларида ҳам Испания клубларига имкониятни бой берган. Икки йил муқаддам Мадриднинг «Реал» клуби Бундеслига етакчисини икки ўйин натижасига кўра 5:0 ҳисобида таслим қилган бўлса, ўтган мавсум «Барселона» 5:3 ҳисобида муваффақият қозонганди. Жорий мавсум эса Ла Лиганинг бошқа бир клуби «Атлетико» ярим финал босқичида «Бавария»ни қолдириб кетиш учун муҳим қадам ташлади.

• «Реал» Чемпионлар Лигаси ярим финалида «Манчестер Сити»ни мағлуб эта олмади

«Бавария» ва «Атлетико» клублари ўртасидаги жавоб ўйини 3 май куни Allianz Arena’да бўлиб ўтади.

Европа Чемпионлар Лигаси Ярим финал беллашуви 27 апрель, чоршанба

«Атлетико» (Испания) — «Бавария» (Германия) 1:0

Гол: Сауль, 11 (1:0).«Атлетико»: Ян Облак, Филипе Луис, Коке, Антуан Гризманн, Фернандо Торрес, Аугусто Фернандес, Габи, Стефан Савич, Сауль (Томас Парти, 85), Хуанфран, Хосе Мария Хименес.«Бавария»: Мануэль Нойер, Тьяго Алкантара (Томас Мюллер, 70), Хави Мартинес, Роберт Левандовски, Дуглас Коста, Хаби Алонсо, Хуан Бернат (Меҳди Бенатиа, 77), Филипп Лам, Артуро Видаль, Давид Алаба, Кингсли Коман (Франк Рибери, 64).