Ла Лига президенти футбол бўйича Европа Суперлигаси яратилишига қарши чиқди

Футбол бўйича Испания чемпионати (Ла Лига) президенти Хавьер Тебас Европа Суперлигаси яратилишига қарши чиқди, деб хабар беради «Sports.ru».

«Биз футбол бўйича Европа Суперлигаси яратилишига қаршимиз. Бу ўзимизнинг лигалар ривожланишига тўсқинлик қилади», – деди Тебас.

Аввалроқ Англиянинг «Арсенал», «Ливерпуль», «Манчестер Юнайтед», «Манчестер Сити» ва «Челси» клублари раҳбарлари америкалик миллиардер Стивен Росс билан учрашиб, Чемпионлар Лигаси ёки Англия Премьер-лигаси ўрнини босиши мумкин бўлган Европа Суперлигасига асос солиш масаласини муҳокама қилганликлари ҳақида хабар берилганди.