Футбол бўйича Англия Премьер-лигасининг марказий ўйинида «Челси»ни мағлуб этган «Манчестер Сити» турнир жадвалида «Арсенал»дан олдинга ўтиб олди.
Томонларнинг «Этиҳад» аренасида бўлиб ўтган ўйинидаги каби, «Стемфорд Бридж» стадионида ҳам «Манчестер Сити» 3:0 ҳисобида зафар қучди. Аргентиналик ҳужумчи Серхио Агуэронинг хет-тригига Лондон клуби сафидан ҳеч ким жавоб беролмади.
Учрашувнинг 78-дақиқасида бош ҳакам Майк Дин «Челси» посбони Тибо Куртуани майдондан четлатди ҳамда мезбонлар дарвозасига пенальти белгилади. Шунга қадар ҳам «Сити» 2 та гол фарқи билан олдинда бораётганди.
Мазкур турдан кейин Агуэро голлари сонини 21 тага етказиб, «Лестер» ҳужумчиси Жейми Варди билан тенглашиб олди. Тўпурарлар пойгасида Ҳарри Кейн 22 та гол билан пешқадам.
Кетма-кет икки турни мағлубият билан якунлаган «Челси» 44 очко билан 10-поғонада бормоқда. «Манчестер Сити» эса 60 очко билан 3-ўринга кўтарилди. 59 очкога эга «Арсенал» 17 апрель куни «Кристал Пэлас»га қарши майдонга тушади.
Англия Премьер-лигаси 34-тур беллашуви 16 апрель, шанба
«Челси» — «Манчестер Сити» 0:3
Голлар: Серхио Агуэро, 33 (0:1). Серхио Агуэро, 54 (0:2). Серхио Агуэро, 80-пен (0:3).«Челси»: Тибо Куртуа, Сесар Аспиликуэта, Абдул Баба, Бранислав Иванович, Гари Кехилл, Жон Оби Микел (Асмир Бегович, 79), Виллиан (Роберт Кенеди, 70), Сеск Фабрегас, Рубен Лофтус-Чик, Педро Родригес (Бертран Траоре, 70), Диего Коста.«Манчестер Сити»: Жо Харт, Пабло Сабалета (Бакари Санья, 60), Александар Коларов, Николас Отаменди, Эльяким Мангала, Фернандиньо, Хесус Навас, Яя Туре, Кевин де Брюйне, Самир Насри (Фабиан Делф, 75), Серхио Агуэро (Калечи Ихеаначо, 85).Четлатиш: Тибо Куртуа, 78 (Ч).АПЛ, 34-тур. «Астон Вилла» 29 йилдан кейин биринчи бор Премьер-лига билан хайрлашди
АПЛ, 34-тур. «Сандерленд» йирик ғалабага эришиб, лигада жон сақлаб қолиш учун қадам ташлади
18 апрель, душанба«Сток Сити» — «Тоттенҳэм»
Изоҳ (0)