Япониянинг жануби-ғарбий ороли — Кюсюда содир бўлган кучли зилзила натижасида тўққиз киши ҳалок бўлди, мингдан зиёд киши жабрланди, улар касалхоналарга етказилди, деб ёзади «ТАСС». Улардан 53 нафари оғир жароҳатланган.
Кумамото префектурасидаги Кибогаока касалхонасида ётган 117 нафар бемор бино қулаши хавфи туфайли, энг яқин орадаги мактабга эвакуация қилинди. Бу ерда жами 44 мингдан ортиқ киши эвакуация қилинди, улар мактаб ва жамоатчилик муассасаларида махсус тайёрланган 505 та жойга кўчирилди.
Кюсю оролидаги 6,5 магнитудали зилзила ушбу тумандаги ерости зарбалари тарихидаги энг кучлиси бўлди.
Қутқарувчилар маълумотларига кўра, харобалар остида камида беш киши қолмоқда.