12 апрелнинг эътиборга молик янгиликлари — «Дарё»нинг кечки дайжестида.

1. Ўзбекистоннинг ЖЧ—2018 саралашидаги рақиблари. Битта расмда. Ўйинлари тақвими ҳам — битта расмда.

2. Ислом Каримов «Парламент назорати тўғрисида»ги қонунни имзолади. Қонунда Олий Мажлис палаталарининг парламент назорати натижаларини кўриб чиқиш юзасидан йиғилишлари очиқ ва ошкора ўтказилиши ҳамда ОАВ ва парламент палаталари сайтларида ёритилиши кўзда тутилган.

3. Афғонистонда Алишер Навоий номли орден таъсис этилди. Афғонистон президентининг ўринбосари, мамлакатдаги ўзбек жамоаси етакчиси генерал Абдулрашид Дўстум бунинг учун президентга миннатдорчилик билдирди.

4. Самарқанд шаҳридаги жамоат транспортларида жетонлар жорий этилади. Ҳужжат лойиҳасида таъкидланишича, ушбу қарор аҳолига қулайлик яратиш мақсадида қабул қилинган.

5. Хитой 2050 йилда футбол бўйича Жаҳон чемпионати ғолиблигини қўлга киритишни режалаштирмоқда. «Хитой учта орзуни амалга ошириши керак: Жаҳон чемпионатини ташкил қилиш, унда иштирок этиш ва ниҳоят ғалаба қозониш», — деди Си Цзиньпин.