Футбол бўйича Осиё Чемпионлар Лигасининг «А» гуруҳида иштирок этаётган Тошкентнинг «Локомотив» клуби 4-турда ҳам 3 очкони қўлга киритди. Эроннинг «Фулад Сепаҳон» клубини қабул қилган «Локомотив» Темурхўжа Абдухолиқов томонидан киритилган ягона гол эвазига зафар қучди.
Томонларнинг Эронда бўлиб ўтган ўйинида ҳам Тошкент клуби 2:0 ҳисобида устун келганди. Шу тариқа мағлубиятсиз юришини давом эттираётган Ўзбекистоннинг ягона вакили «А» гуруҳида 1-ўринга кўтарилиб олди.
Гуруҳдаги 4-турнинг иккинчи ўйини «Ан-Наср» — «Ал-Иттиход» ўртасида 6 апрель куни Тошкент вақти билан 21:45 да бошланади.
«Локомотив» гуруҳ босқичидаги кейинги икки учрашувни БААнинг «Ан-Наср» клубига қарши ўтказади.
«Локомотив» (Ўзбекистон) — «Фулад Сепаҳон» (Эрон) 1:0
Гол: Темурхўжа Абдухолиқов, 54 (1:0).Огоҳлантиришлар: Каҳи Махарадзе, 16 (Л). Саид Ҳаедифар, 24 (С). Абдуллоҳ Карамий, 45 (С). Игнатий Нестеров, 75 (Л). Саид Ҳаедифар, 90+1 (С).Четлатиш: Саид Ҳаедифар, 90+1 (С).«Локомотив»: Игнатий Нестеров, Каҳи Махарадзе, Сервер Жепаров, Марат Бикмаев (Жасур Ҳасанов, 66), Темурхўжа Абдухолиқов, Салим Мустафоев, Тимур Кападзе, Ислом Тўхтахўжаев, Санжар Шоаҳмедов (Қувондиқ Рўзиев, 85), Олег Зотеев (Икром Алибоев, 75), Шерзод Файзиев.«Фулад Сепаҳон»: Раҳмон Аҳмадий, Али Каримий, Расул Навидкиа (Амин Манучеҳрий, 71), Абдуллоҳ Карамий, Сенижад Ибричич (Муҳаммад Ризо Халатбори, 60), Фозил Мусаев (Милад Сарлак, 65), Leanдро Падований, Вурия Ғофурий, Лусиано Перейра Чимба, Саид Ҳаедифар, Ҳусайн Фозилий.| Ў | Жамоа | Ў | Ғ | Д | М | Т/Н | О |
| 1 | «Локомотив» | 4 | 2 | 2 | 0 | 5:2 | 8 |
| 2 | «Ан-Наср» | 3 | 2 | 0 | 1 | 4:3 | 6 |
| 3 | «Фулад Сеп» | 4 | 1 | 0 | 3 | 2:5 | 3 |
| 4 | «Ал-Иттиҳод» | 3 | 0 | 2 | 1 | 3:4 | 2 |
Изоҳ (0)