Мадриднинг «Атлетико» жамоаси ҳимоячиси Диего Годин «Барселона»га қарши Европа Чемпионлар Лигаси 1/4 финали олдидан ўз фикрларини билдириб ўтди, деб хабар беради «Спорт-Экспресс».

«Лионель Месси қаерда ўйнашидан қатъий назар, муҳим футболчи ҳисобланади. Лекин ‘Барселона’ бир футболчига боғланиб қолмаган. Шунинг учун, фақатгина Мессини тўхтатиш етарли бўлмайди. Биз бутун бир жамоани тўхтатишимиз керак. Ўйинни интизорлик билан кутяпман ва ғалаба қозонишдан хурсанд бўлар эдим», – дейди Диего Годин.

Маълумот ўрнида, «Барселона» – «Атлетико» ўртасидаги дастлабки учрашув бугун, 5 апрель куни «Камп Ноу» стадионида бўлиб ўтади. Ўйин Тошкент вақти билан 23:45 да бошланади.