Пентагон Россия самолётларининг кўп қисми Суриядан олиб чиқиб кетилганини тасдиқлади

Россия Сурия ҳудудидаги ҳужум авиациясининг катта қисмини олиб чиқиб кетди. Бу ҳақда АҚШ Қуролли кучлари Марказий қўмондонлиги расмий вакили Патрик Райдер маълумот берди, деб ёзади «РБК».

«Бу ерда уларнинг вертолёт ва транспорт самолётлари ҳозир ҳам бор. Лекин зарбалар беришда қўлланган самолётларнинг катта қисми Сурияни тарк этганини кўрдик», — маълум қилди у.

Райдернинг таъкидлашича, Сурия ҳукумат қўшинлари авиация эмас, артиллерия билан қўллаб-қувватланмоқда.

Эслатиб ўтамиз, бир неча кун муқаддам РФ президенти Владимир Путин Россия қўшинларини Суриядан олиб чиқишни бошлашга буйруқ берган эди.