Халқаро футбол федерацияси (ФИФА) Россияда бўлиб ўтадиган футбол бўйича 2018 йилги Жаҳон чемпионатига тайёргарлик кўриш учун 2017 йилда 450 миллион, конфедерациялар Кубогини ўтказиш учун эса 55 миллион доллар ажратади. Бу ҳақда «ТАСС» хабар бермоқда.
Жаҳон чемпионати 2018 йилнинг 14 июнидан 15 июлига қадар, Россиянинг 11 шаҳри – Москва, Санкт-Петербург, Нижний Новгород, Волгоград, Ростов-на-Дону, Самара, Екатеринбург, Қозон, Калининград, Саранск ва Сочида жойлашган 12 стадионда бўлиб ўтади.
Конфедерациялар Кубоги ФИФА томонидан Жаҳон чемпионатига мезбонлик қилаётган давлатда ўтказилади. Ушбу турнир Жаҳон чемпионатига тайёргарлик вазифасини ўтайдиган мусобақа сифатида кўрилади.
Конфедерациялар Кубоги 2017 йилнинг 17 июнидан 2 июлига қадар, Москва, Санкт-Петербург, Сочи ва Қозон шаҳарларида ўтказилади.
Изоҳ (0)