14 март, душанба куни хонанда Шаҳнозабонунинг вафот этгани маълум бўлди. 2000 йилларнинг бошида «Қизалоғим», «Дўст», «Қизғонаман» каби хит-қўшиқлари билан танилган хонанда, маълум бўлишича, бир муддат аввал жуда оғир операцияни бошдан ўтказган, сўнгги кунларда эса об-ҳавонинг кескин ўзгаришини кўтара олмаган.
Хонанданинг энг машҳур қўшиғи — «Қизалоғим»нинг муаллифи ҳисобланган актриса Раъно Ярашева аввалроқ Шаҳнозабону ҳақидаги хотиралари билан ўртоқлашиб, у «яшашни яхши кўргани» ҳақида сўзлаган эди.
Шаҳнозабону эндигина 42 ёшга тўлган эди. Ўзбекистон шоу-бизнес вакиллари ўз ўрни ва овозига эга бўлган хонанданинг вафоти муносабати билан чуқур қайғуда эканлигини маълум қилди.Хонанда Нилуфар Усмонова
«Бирма-бир тўкилишни бошладик».Хонанда ва актёр Шароф Муқимов
Хонанда Музаффар Мирзараҳимов
Хонанда Каниза
«Минг афсус! Ёш эдилар. Илоҳим жойлари жаннатдан бўлиб, Аллоҳим охиратларини обод қилсин! Оила аъзоларига чуқур таъзия билдираман».Хонанда Достон Убайдуллаев
«Яхши инсон эди, Аллоҳ раҳматига олган бўлсин».Шоир Аҳад Қаюм
«Шаҳнозабону деган исм ҳар доим дилларда қолади! Сизни жуда ҳам ҳурмат қилардик ва яхши кўрардик».Хонанда Муниса Ризаева
«Ишонгим келмаяпти. Қадрдон опам! Жуда ҳам ҳурмат қилардим, жуда яхши кўрардим. Сиз доим бизнинг қалбимиздасиз!».Хонанда Анвар Собиров
«Э, дунё, нима учун бунчалар бешафқатсан! Ахлоқи билан, одоби билан ўнлаб қизлар ичида ажралиб турар эди, жуда олийжаноб аёл эди. Санъати, иқтидори ва жозибали овози бор шундай ҳамкасбимиз — Шаҳнозабону бугун орамизда йўқ. Қани энди бу навбатдаги бир миш-мишга айланиб қолса! Биз, барча санъаткорлар, нафақат санъаткорлар, балки санъатсевар халқимиз бу ажойиб ижодкорнинг ҳақига доим дуо қилади, деган умиддамиз».
Изоҳ (0)