«Барселона» клуби раҳбарияти ва мураббийлар штаби июнь ойига қадар жамоа аъзолари Серхио Бускетс ва Неймар билан шартномани узайтирмасликка қарор қилди, деб хабар беради «Чемпионат».
Бунга сабаб сифатида спорт мезонлари кўрсатилган. Каталон клуби Испания чемпионати, Испания Кубоги ва Европа Чемпионлар Лигасида ғолиблик учун кураш олиб бораётгани сабабли, жамоа раҳбарияти футболчилар бошқа масалаларга чалғимаслигини хоҳламоқда.
Бускетс «Барселона» президенти Хосеп Бартомеу унинг шартномасини узайтириш борасида берган ваъдасига содиқ қолишига умид билдирмоқда. Ярим ҳимоячининг амалдаги келишуви 2019 йилга қадар мўлжалланган.
Неймар эса 2018 йилгача амал қиладиган шартномасини 2021 йилгача узайтириш борасида дастлабки келишувга эришган.
Изоҳ (0)