«Барселона» клуби собиқ президенти пенальтидан гол ура олмаган Роналдуни мазах қилди

«Барселона» клуби собиқ президенти Жоан Лапорта «Малага»га қарши (1:1) Испания чемпионати 25-турида пенальтидан гол ура олмаган «Реал» ҳужумчиси Криштиану Роналдуни мазах қилди, деб хабар беради «Чемпионат».

Ўйиндан сўнг Лапорта ўзининг Facebook’даги саҳифасига Роналдунинг суратини жойлаштириб, «Роналду пенальтидан нега гол ура олмаганини биламан, лекин, айтмайман» – дея изоҳ қолдирди ва шу орқали португалиялик футболчини мазах қилди.

Аввалроқ, Роналду «Барселона» ҳужумчилари Лионель Месси ва Луис Суарес иштирокидаги «Селта» дарвозасига пенальтидан ноанъанавий тарзда киритилган голга ўз муносабатини билдириб, «Месси нега ундай қилганини биламан, аммо, айтмайман» – деб айтганди.