Ҳиндистонда намойишчилар ва полиция ўртасида юз берган тўқнашув оқибатида 3 киши ҳалок бўлди
Ҳиндистон шимолида жойлашган Харён штатидаги норозилик намойишлари полиция билан тўқнашувларга олиб келди ва бунинг оқибатида уч киши ҳалок бўлди. Бу ҳақда Ҳиндистон қуролли кучлари берган маълумотларга асосан «ТАСС» хабар қилмоқда.
Намойишлар бўлиб ўтаётган ҳудудга ҳарбийлар юборилган.
Штатнинг саккизта округида энг шиддатли намойиш ҳаракатлари қайд этилган. Рохтак ва Бхивани округларида комендант соати жорий қилиниб, хавфсизлик кучларига огоҳлантиришсиз ўт очишга рухсат берилган.
Жата қабиласи давлат хизмати ва олий ўқув даргоҳларида квота ажратишни талаб қилиб уюштирган тартибсизликлар оқибатида 15 киши тан жароҳати олган. Бир қатор ҳудудларда мактаблар ёпилиб, уяли алоқа операторлари телефон ёрдамида интернетга уланиш ва смс хабарларидан фойдаланишни бекор қилган.
