Миграция ишлари бўйича Британия суди 92 ёшли Миртл Котиллни мамлакатдан депортация қилиш ҳақида қарор қабул қилди. Бу ҳақда The Daily Mail хабар беради.
Кекса аёл ЖАРдан қироллик фуқароси ҳисобланган қизининг олдига келган ва унинг ёнида қолишга қарор қилган эди. Суд аёлни қўллаб-қувватлаб 55 мингта имзо тўплаган онлайн-петицияни инобатга олмади.
Нашрнинг аниқлик киритишича, 2014 йилда бева қолган Миртл Пул шаҳрида (Дорсет графлиги) яшовчи 66 ёшли қизи Мэри Уиллсникига келган. Чунки ЖАРда унга ғамхўрлик қилиши мумкин бўлган қариндош ва дўстлари қолмаган. Охирги йилларда Уиллс онасига Буюк Британияда яшаш ҳуқуқини расмийлаштиришга уринган.
Суд юрак етишмовчилиги, қисман яхши эшитмаслик ва бир кўзида кўриш қобилиятини йўқотган аёл мамлакатни келгуси ҳафтада тарк этиши лозимлиги ҳақида қарор чиқарди. Унга йўл харажатлари учун минг фунт ажратилади.
Изоҳ (0)