Сурияда тинчлик ўрнатилиши бўйича АҚШ ва Россия ҳарбийларининг биринчи йиғилиши 19 февралда ўтказилади

19 февраль куни АҚШ ва Россия ҳарбийлари Сурияда ҳарбий ҳаракатларни тўхтатиш масаласига бағишланган дастлабки йиғилишни ўтказади. Бу ҳақда «Интерфакс» агентлигига таяниб «Газета.ru» хабар берди.

«Ҳарбий ҳаракатларни тўхтатиш бўйича мақсадли гуруҳ ишига келсак, унинг йиғилиши жума кунига мўлжалланган. Унинг ишида Россия ва АҚШ, шунингдек, Халқаро Сурияни қўллаб-қувватлаш гуруҳига кирувчи баъзи давлатларнинг ҳарбий вакиллари қатнашиши кўзда тутилмоқда», – таъкидлаб ўтди Россия ташқи ишлар вазирининг ўринбосари Геннадий Гатилов.