Ярославлда газ портлаши оқибатида турар-жой биносининг қулаб кетиши натижасида ҳалок бўлганлар сони етти нафарга етди. Бу ҳақда Россия ФВВ ҳудудий маркази маълумотига таяниб, «Газета.ru» хабар беради.
«Вайроналар остидан яна бир аёл кишининг жасади чиқариб олинди. Жами қурбонларнинг сони етти кишига етди», — дейилади хабарда.
Маълум қилинишича, ҳалок бўлганлар орасида икки нафар бола ҳам бор.
Ушбу маълумотлар ҳозирча расман тасдиқланмаган.
Эслатиб ўтамиз, аввалроқ газ ускунасидаги носозлик туфайли келиб чиққани тахмин қилинаётган портлаш оқибатида подъезд қулаб, бинонинг бир қисми вайрон бўлганлиги ва бунинг оқибатида тўрт киши ҳалок бўлганлиги ҳақида маълум қилинган эди.
Изоҳ (0)