Беларусь президенти Александр Лукашенко Евроиттифоқ санкцияларни бекор қилганидан тўлиқ қониқиш ҳосил қилганини билдирди. Бу ҳақда «РИА Новости» хабар бермоқда.
«Ташқи ишлар вазири шундай қарор қабул қилганлари учун ҳамкасбларига миннатдорчилик билдириши лозим. Евроиттифоқдагилар эскича фикрлаш ва Беларусь билан қарама-қаршиликдан вақтида қочиш зарурлигини тушуниб етди. Улар бизни мутлақо қондирадиган қарор қабул қилди», — дея таъкидлаган Лукашенко.
Санкциялар бекор қилингани муносабати билан Беларусь раҳбари ҳукуматга ЕИнинг турли банк тизимлари, шунингдек, бўлажак инвесторлар билан ўзаро мулоқотни фаол йўлга қўйиш вазифасини юклади.
Эслатиб ўтамиз, Европа кенгаши 15 февраль, душанба куни Беларусь президенти Александр Лукашенко ва мамлакат мансабдорларидан яна 169 кишига нисбатан жорий этилган санкцияларни бекор қилди.
Изоҳ (0)