Ўзбекистонлик тажрибали гимнастикачи Оксана Чусовитина ўзининг навбатдаги ғалабасини қўлга киритди. АҚШнинг Хьюстон шаҳрида спорт гимнастикаси бўйича кечган Гран-при турнирида Оксана иккита медалга сазовор бўлди, деб хабар беради «Sports.uz».
Оксана таяниб сакраш баҳсларида олтин медалга сазовор бўлди. 40 ёшдан ошган спортчи кўпкурашда ҳам муваффақиятли қатнашиб, барчани яна бир бор лол қолдирди. Кўпкураш якуни бўйича Чусовитина шоҳсупанинг иккинчи поғонасидан жой олди.
Чусовитина апрель ойида бўлиб ўтадиган Олимпиада саралаш босқичида олимпия ўйинлари лицензиясини қўлга киритиш учун асосий даъвогар эканлигини исботлади. Унгача ўзбекистонлик гимнастикачи келаси ой охирларида Бокуда ўтадиган жаҳон кубоги босқичида ҳам ўз омадини синаб кўриши мумкин.
Изоҳ (0)