Тошкент политехника музейида автомобиль туғилган кун нишонланди

Тошкент политехника музейида 29 январь, жума куни Автомобиль туғилган кун нишонланди ва ретро-автомобиллар тўпламидаги янги экспонат намойиш этилди. Бу ҳақда «Газета.uz» хабар бермоқда.

Роппа-роса 130 йил аввал — 1886 йил 29 январь куни Карл Бенц ўзининг ички ёниш двигателига эга, бензинда ишловчи илк автомобили учун патент олган эди.

Тарихий санага бағишлаб, музейда янги экспонат — BMW’нинг «қариндоши» — 1949—1955 йилларда чиқарилган EМW 340 очилди.

Музей ташрифчиларига афсонавий немис автомобилининг пайдо бўлиш тарихи ва автомобилсозлик тарихи билан боғлиқ бошқа фактлар ҳақида маълумот берилди.

Нашр таъкидлашича, яқинда музей экспозицияси Ўзбекистонда 1999 йилнинг мартида чиқарилган биринчи автобус билан бойиган эди.