Британиялик актёр Жозеф Файнс «Элизабет, Майкл ва Марлон» комедияси учун Майкл Жексон ролига танлангани ижтимоий тармоқ фойдаланувчилари ўртасида баҳсларга сабаб бўлмоқда. Бу ҳақда Express хабар берди.
Кўпчилик бундай қарор қора танлиларга нисбатан ҳақорат экани, чунки хонанда афроамерикалик оилада туғилганини қайд этган. Айрим фойдаланувчилар эса бўлажак фильмни бойкот қилишга чақирган.
Актёрнинг ўзи ET Online’га берган интервьюсида поп қиролини ўйнаш ҳақидаги таклифдан таажжубга тушганини тан олган. «Мен каби лондонлик оқ танли йигит учун бу қизиқ ҳолат ва ўзим ҳам бошқа барча каби ҳайратдаман», дея изоҳ берган у.
«Элизабет, Майкл ва Марлон» реал воқеаларга асосланган. Марлон Брандо ва Элизабет Тейлор Нью-Йоркда бўлиб ўтаётган Майкл Жексоннинг концертига бормоқчи бўлади. Уларнинг ташрифи террорчилар ҳужумига тўғри келади, шу сабабли актёрлар хонанда билан бирга ижарага олинган автомобилда шаҳардан Сан-Францискога қочишга қарор қилади.
Изоҳ (0)