Саудия Арабистони олий муфтийси шахмат ўйнашни тақиқлади

Саудия Арабистони олий муфтийси Абдулазиз ибн Абдуллоҳ Ал аш-Шайх телевизион шоу эфирида мамлакат фуқароларига шахмат ўйнашни тақиқлади, деб ёзади «Nur.kz». Унинг айтишича, бу ўйин исломга зид.

«Шахмат қимор ўйинлари рўйхатига киритилган, у вақт ва пулни бекорга сарфлашдир, шунингдек, ўйинчилар орасидаги нафрат ва душманлик сабабидир», — деди аш-Шайх.

Шунингдек, мамлакат муфтийси таъкидлашича, Қуръон спиртли ичимликлар ичишни, қимор ўйинларини ўйнашни, бутпарастликни ва фолни тақиқлайди.