АҚШ чет эл инвестицияларини жалб этиш бўйича етакчилик мақомини яна ўзига қайтарди

2015 йилда чет эллик инвесторлар АҚШга 384 миллиард долларга яқин маблағ киритди. Бу кўрсаткич ундан аввалги йилги натижадан тўрт марта кўпроқни ташкил этди. Бу ҳақда The Wall Street Journal маълумотига таяниб, «РБК» хабар беради.

Бу эса чет эл инвестициясини жалб этиш бўйича 2014 йилда Хитойдан ортда қолган АҚШга ушбу кўрсаткич бўйича дунёда етакчилик мақомини ўзига қайтаришга имкон берди.

Хитойга 2015 йилда киритилган инвестиция ҳажми 136 миллиард долларни ташкил этиб, ундан аввалги йил кўрсаткичини олти фоизга оширди. Бироқ ушбу кўрсаткич унга етакчилар рўйхатида биринчи бўлиши учун етарли бўлмади. У рўйхатда АҚШ ва Гонконгдан кейин (163 миллиард доллар) учинчи ўринни эгаллади.