Танзания президенти Жон Магуфули мамлакатда мини-юбка кийишни ман этди ва аёлларга улардан халос бўлиш учун уч ҳафта муҳлат берди. Унинг айтишича, калта либослар ОИТС тарқалишига сабаб бўлади. Бу ҳақда «ТАСС» хабар бермоқда.
Ўтган йилнинг ноябрида ҳокимиятга келган Магуфули мамлакатда мустақиллик кунини нишонлашни бекор қилди ва «фуқаролар вабодан ўлаётган пайтда пулларни бундай байрам тадбирларига сарфлаш уят» эканлигини билдириб, тежаб қолинган маблағни ахлатларни йўқ қилишга сарфлашни буюрди.
Давлат раҳбари парламент сессияси очилиши маросимини ўтказишни ҳам ман этди ва бундан тежалган пулларни тиббиёт марказларига беморлар учун каравот сотиб олишга йўналтириш юзасидан кўрсатма берди.
Президент ҳукумат амалдорлари учун хорижий сафарларни ҳам бекор қилди ва улардан дунё кезмай, мамлакат муаммолари билан шу ернинг ўзида шуғулланишни талаб этди. Агар чет элга бормасликнинг умуман иложи бўлмаса, мансабдорлар эконом классда учишига тўғри келади. Биринчи ва бизнес тоифасида сафар этиш имконияти эса фақат президент, вице-президент ва бош вазир учун қолдирилди.
Изоҳ (0)