Россия президенти ҳузуридаги Инсон ҳуқуқлари бўйича кенгаши 12 январь куни мухолифатни «халқ душманлари» дея атаган Чеченистон раҳбари Рамзан Қодировнинг сўзларини лингвистик экспертизага жўнатади. Инсон ҳуқуқлари бўйича кенгаш экспертиза натижаларини Владимир Путинга жўнатади. Бу ҳақда кенгаш раиси ўринбосари Евгений Бобров маълум қилди, деб хабар беради «РБК».
«Биз унинг фикрларини кўриб чиқамиз, кейин эса лингвистик экспертизага жўнатамиз, шундан сўнг уларни нима қилиш кераклиги ҳақида бир қарорга келамиз», — деди Бобров.
«Экспертиза натижаларидан келиб чиқиб ҳал қиламиз: ё [Чеченистон] президентига бошқа бундай қилмасликни ёки янада жиддийроқ бирор нарсани таклиф қилишимиз мумкин», — деди у. Бобровнинг сўзларига кўра, кенгаш экспертиза якунлари бўйича Путин учун ҳисобот тайёрлашни режалаштирмоқда.
Бобров «янада жиддийроқ» вариантлар сифатида Қодировни истеъфога чиқаришни таклиф қилиш ёки Бош прокуратурага унинг сўзларида жиноят аломатлари борлигини текширишни таклиф қилиш чораларини санаб ўтди.
Изоҳ (0)