11 январь куни саратондан вафот этган афсонавий қўшиқчи Дэвид Боуининг Blackstar номли сўнгги альбоми Billboard чартларида биринчи ўринни эгаллади. Олдин қўшиқчининг бирор альбоми Америка чартларида пешқадамлик қилмаганди, дея хабар беради Meduza.
Nielsen Music компанияси маълумотларига кўра, сотуви бошлангандан кейин биринчи ҳафтанинг ўзида Blackstar 174 минг нусхада тарқалган. Бу Nielsen сотувлар ҳисобини олиб бораётган 1991 йилдан бери Боуи ёзувлари учун рекорд кўрсаткич ҳисобланади. Шунингдек, АҚШда энг оммалашган альбомлар бешлигида хонанданинг машҳур қўшиқлари тўплами — Best of Bowie тўртинчи ўринда қайд этилган.
Эслатиб ўтамиз, олдинроқ Дэвид Боуининг қўшиқларини унинг ўлимидан кейин 4000 фоиз кўпроқ одам тинглай бошлагани ҳақида хабар берилганди.
Изоҳ (0)