Facebook ижтимоий тармоғининг асосчиси Марк Цукербергнинг қизи Максни эмлашга бағишланган пости уч миллиондан ортиқ «лайк» ва 70 мингдан ортиқ изоҳ тўплади. Бу ҳақда «РБК» хабар беради.
Цукерберг ўзининг саҳифасига Макснинг шифокор кабинетидаги суратини «Шифокор ҳузурига ташриф – эмлаш вақти» деган сўзлар билан жойлаштирди.
Пост кўплаб тортишувларга сабаб бўлди. Фойдаланувчиларнинг баъзилари болалар эмлашини қўллаб-қувватлаганлиги учун Марк Цукербергдан миннатдор бўлди. Бошқалари эмлашни хавфли деб танқид қилди. Уларнинг таъкидлашича, эмланган болаларнинг табиий иммунитети ёмонроқ ишлай бошлайди.
Баъзи фойдаланувчилар эса Facebook асосчисини эмлашдан даромад қилувчи фармацевтика компанияларини реклама қилишда айблади.
Эслатиб ўтамиз, аввалроқ Марк Цукерберг жедай либосига ўралган чақалоғи Макснинг суратини эълон қилган эди.
Изоҳ (0)