Ўзбекистон Миллий кутубхонасида ёзувчи Худойберди Тўхтабоев китоблари кўргазмаси очилди

2015 йил 15 декабрь куни Ўзбекистон Миллий кутубхонасида Ўзбекистонда хизмат кўрсатган маданият ходими, Ўзбекистон халқ ёзувчиси Худойберди Тўхтабоев китоблари кўргазмаси очилди.  Бу ҳақда «Natlib.uz» хабар қилмоқда.

Ёзувчининг турли йилларда нашр этилган ҳикоя, қисса ва романлари, шу жумладан, «Беш болали йигитча», «Қасоскорнинг олтин боши», «Сеҳргарлар жанги ёки ширин қовунлар мамлакатида", «Жаннати одамлар», «Йиллар ва йўллар», «Қуёнлар салтанати» ва ўз ичига «Қиз талашган йигитлар» ва «Қиз болага тош отманг» деб номланган иккита романи кўргазмадан ўрин олган.

Кўргазмага ташриф буюрганлар Х.Тўхтабоевнинг ижоди, унинг қаламига мансуб ҳикоя, қисса ва романлар, эртаклар ва саргузаштлар билан яқиндан танишиш имкониятига эга бўладилар.