«Ўзтемирйўлйўловчи» 11 январгача жўнайдиган халқаро қатнов поездлари учун чегирмалар жорий қилди

«Ўзтемирйўлйўловчи» АЖ маъмурияти 2016 йил учун йўл ҳужжатлари қачон сотилганидан келиб чиқиб чегирмалар ўрнатилганини эълон қилди, деб ёзади «Review.uz». Улар 2015 йил 10 декабрдан бошлаб сотиладиган ва 2016 йил 11 январгача жўнайдиган поездлар учун мўлжалланган чипталар учун амал қилади.

Россия Федерацияси ва Қозоғистон Республикаси ўртасида тўғридан-тўғри қатнайдиган халқаро қатнов поездлари ва улар билан борадиган овушмайдиган (пересадкасиз) ва тиркама халқаро қатнов вагонларида қуйидаги чегирмалар киритилади:

1. Купе вагонлари ва ётиб кетиладиган вагонлар учун плацкарта нархи ва тарифнинг чипта қисми учун қуйидаги ҳажмда чегирмалар жорий қилинади:

• йўл ҳужжатлари поезд жўнаб кетишидан 45—31 сутка олдин сотиб олинса — 45%;
• йўл ҳужжатлари поезд жўнаб кетишидан 30—6 сутка олдин сотиб олинса — 35%.

2. Плацкартали вагонлар учун плацкарта нархи ва тарифнинг чипта қисми учун қуйидаги ҳажмда чегирмалар жорий қилинади:

• йўл ҳужжатлари поезд жўнаб кетишидан 45—31 сутка олдин сотиб олинса — 35%;
• йўл ҳужжатлари поезд жўнаб кетишидан 30—6 сутка олдин сотиб олинса — 25%.

3. Йўл ҳужжатлари поезд жўнаб кетишидан 5 ёки ундан кам сутка олдин сотиб олинса, плацкартали, купели ва ётиб кетиладиган вагонлар учун плацкарта нархи ва тарифнинг чипта қисми учун 5 фоизли устама пули қўйилади.