«Дарё»да доимий рукн — ҳар куни энг муҳим янгиликларнинг кечки дайжести бериб борилади.
1. Facebook асосчиси таъна-маломатларга қолаётган мусулмонларни қўллаб-қувватлашини маълум қилди. «Яҳудий сифатида, ота-онам мени ҳар қандай ҳамжамиятларга уюштирилаётган ҳужумларга қарши курашмоқ кераклигига ўргатган», — деди Марк Цукерберг.
2. Ким Чен Ин КХДРда водород бомбаси мавжудлигини маълум қилди. Корея яриморолидаги вазиятни янада кескинлаштирувчи хабарга жанубий кореяликлар шубҳа билан қарамоқда — Жанубий Корея разведкаси КХДР водород бомбасига эга эмас деб ҳисобламоқда.
3. Ўзбекистондаги китоб дўконларида энг кўп сотилаётган китоблар рейтинги эълон қилинди. Биринчи учликда Поэлё Коэлё, Абдулла Қаҳҳор ва Дейл Карнеги асарлари. Айтмоқчи, АҚШ президенти Барак Обама ҳам ўз талқини бўйича 2015 йилнинг энг яхши китоби номини маълум қилди.
4. Тарихчи олим Гога Ҳидоятов оламдан ўтди. Беш йиллар аввал мактаб ва коллежларни тамомлаган ўқувчилар унинг 9—11-синф учун тайёрланган «Жаҳон тарихи» китобларини севиб ўқишарди.
5. «Барселона» афсонаси Хави Тошкентга келиши мумкин. Футбол бўйича Осиё Чемпионлар Лигаси гуруҳ босқичига қуръа ташланди ва «Пахтакор», «Локомотив», «Насаф», «Бунёдкор» 2016 йилги мусобақадаги ўз рақиблари номини билиб олди. ОЧЛ доирасида Ўзбекистонга «меҳмонга» келиши мумкин бўлган юлдузлар орасида, Хавидан ташқари, Ўзбекистон миллий терма жамоаси етакчилари — Азиз Ҳайдаров ва Сардор Рашидов ҳам бор.
Изоҳ (0)