Жанубий Корея ўз ҳудудига кирган кемага қарата ўт очди

Жанубий кореялик ҳарбийлар Корея Республикасининг Сариқ денгиз ажратувчи чизиғи яқинидаги сув ҳудудига кирган номаълум кемага қарата огоҳлантирувчи ўт очди. Бу ҳақда «РИА Новости» хабар беради.

«Ҳарбий-денгиз кучлари огоҳлантиришдан сўнг, огоҳлантирувчи ўт очди», — дейилади Мудофаа вазирлиги вакили хабарида.

Ҳодиса Пеннендо ороли яқинида юз берди. Жанубий Корея Ҳарбий-денгиз кучларига қарашли патруль кемаси томонидан ўт очилди.

Мудофаа вазирлиги ҳозирча кеманинг қайси давлатга тегишли эканлиги ҳақида аниқ маълумотга эга эмас. Унинг Шимолий Кореяга тегишли ёки Хитойнинг балиқ овловчи кемаси бўлиши мумкинлиги тахмин қилинмоқда.