Францияда террорчи-камикадзелардан бирининг шахси аниқланди

Франция маъмурияти Парижда 13 ноябрь, жума куни амалга оширилган террорчилик ҳужумларида қатнашган террорчи-камикадзелардан бирининг шахсини аниқлади. Бу ҳақда «ТАСС» хабар бермоқда.

Франциялик депутат Жан-Пьер Жоржнинг сўзларига кўра, террорчи-камикадзелардан бирининг исми Исмоил Умар Мустафо бўлиб, у 2012 йилдан бери Франциянинг Шартр шаҳрида истиқомат қилиб келган. Жорж шу шаҳарнинг мэри ҳисобланади.

Парижда 13 ноябрь, жума куни терактлар кетма-кетлиги юз берди. Сўнгги маълумотларга кўра, қўпорувчилик ҳаракатлари оқибатида 129 киши ҳалок бўлган, 352 киши яраланган. Франция президенти Франсуа Олланд мамлакатда фавқулодда ҳолат тартибини жорий этган, мамлакатда уч кунлик мотам эълон қилинган.

• Воқеа: Париждаги терактлар