Англиялик футболчи Парижда теракт оқибатида жабрланганларга ёрдам кўрсатди

«Кристал Пелас» ҳимоячиси Мартин Келли теракт юз берган куни Парижда бўлган, деб хабар беради «Корреспондент.net».

У дам олиш кунларини севган қизи билан Парижда ўтказаётган эди. Футболчининг ижтимоий тармоқларда маълум қилишича, у кечқурун La Perle ресторанига ташриф буюрган.

Daily Mail’да хабар берилишича, La Perle ресторани террорчилар ҳужумига учраган. Тез орада ижтимоий тармоқларда пайдо бўлган суратларда ярадорлар ва полициячилар қуршовидаги Мартин Келлини таниш мумкин бўлди.

«Кристал Пелас» Twitter’даги саҳифасида клуб у билан боғланиб, унинг соғ ва хавфсиз жойда эканлигига ишонч ҳосил қилганлигини маълум қилди.