Австриялик кекса аёл қариндошлари қўлига тегишини истамагани учун салкам 1 миллион еврони йўқ қилди. Аёлнинг номи ошкор этилмаган, дея хабар беради «Казинформ».
The Sun нашрининг ёзишича, 85 ёшли момонинг қилмиши тўғрисида у қариялар уйида вафот этгандан кейингина маълум бўлган. Аёл жами 950 минг евро бўлган мингта купюрани майда-майда қилган.
Банкирлар мазкур купюралар бўлакларини топишса ва топширишса, унинг оиласига пулларни алмаштириб беришга тайёр эканликларини билдирган. Шу боис аёлнинг яқинлари пулларнинг қолдиғини қидириш билан банд.
Прокурор Эрих Хабицл йўқ қилинган пуллар топилганини тасдиқлади. У австриялик момо ҳеч қандай қонунларни бузмагани, текширув олиб борилмаслиги, чунки пуллар аёлнинг ўзига тегишли бўлганини билдирди.
Изоҳ (0)