«Евраз» Ўзбекистонга юқори тезликли ҳаракат учун мўлжалланган рельсларни етказиб беради

Новокузнецкнинг «Евраз» компанияси Ўзбекистонга 25 метрли рельслар етказиб бериш бўйича шартнома тузди, дея хабар бемоқда «Nuz.uz».

Ўзбекистонга етказиб бериладиган рельслар мамлакатнинг йирик шаҳарлари — Бухоро ва Самарқанд ўртасидаги юқори тезликли ҳаракат учун мўлжалланган. Ўзбекистондаги иссиқ иқлимни ҳисобга олганда, ушбу рельслар қатор хусусият ва афзалликларга эга.

Релслар анча юқори ҳароратларда ишлатилиши мумкин. Уларнинг тўғри шаклда эканлиги ва ишлаб чиқарилиш сифати поездга тезликни соатига 200 километргача ошириш имконини беради.

«Евраз» металлургия ва хомашё қазиб чиқарувчи халқаро компания бўлиб, Россия, Украина, АҚШ, Канада, Чехия, Италия, Қозоғистон ва ЖАР активларини ўз ичига олади.