ОАВ: Тяньцзиндаги портлаш қурбонлари сони 116 кишига етди

Хитойнинг Тяньцзинь шаҳридаги омборда 12 август куни юз берган кучли портлаш қурбонлари сони 116 кишига етди, деб хабар беради «ТАСС».

Синхуа агентлигининг маълум қилишича, 60 киши бедарак йўқолган.

«Ҳозирги пайтга келиб, барча ҳалок бўлганлар ДНК тестлари бўйича аниқланмоқда», — деб таъкидлайди агентлик. Унинг маълумотларига қараганда, қурбонлардан 65 нафари ўт ўчирувчи ва 7 нафари полиция ходимидир. Яна 39 нафар ўт ўчирувчи ва 4 нафар тартиб сақловчи бедарак йўқолганлар сифатида қайд этилган.