Кремль яқинида ўқ узган кимса қўлга олинди

18 август, сешанба кечки пайт Москвадаги Александр боғида, Кремль деворлари олдида отишма овози эшитилди: 26 ёшли эркак ов қуролидан юқорига қарата икки марта ўқ узган. Бу ҳақда "Эхо Москви" радиосига маълумотларига таяниб, «Корреспондент.net» хабар бермоқда.

Ҳодиса оқибатида ҳеч ким жабрланмаган. Ҳуқуқбузар дарҳол қўлга олиниб, яқин орадаги полиция бўлимига жўнатилган, унга нисбатан жиноий иш очиш масаласи кўриб чиқилмоқда.

Ўқ узган кимсани бунга ундаган сабаблар ҳозирча маълум эмас.