Луис Суарес: ФИФА мендан кечирим сўрашини талаб қиламан

Уругвай терма жамоаси ҳужумчиси Луис Суарес ФИФА ташкилоти уни узоқ муддатга футболдан четлаштиргани учун кечирим сўрашини истаётганини айтиб ўтди, деб хабар беради «Uff.uz».

«Мен хато қилганимни тан олдим. Аммо жазо жуда ҳам қаттиқ бўлди. Мен ўз қилмишимдан кейин кечирим сўраганимдек, ФИФА ҳам мендан кечирим сўрашини истайман. Ўшанда ФИФАнинг қарорини эшитиб йиғлаб юборгандим. Гарчи кучли бўлишга ҳаракат қилган бўлсам ҳам», — дейди Суарес.

Эслатиб ўтамиз, Луис Суарес ЖЧ—2014’да терма жамоа таркибида Италияга қарши ўйинда рақиби Кьеллинини тишлаб олгани учун узоқ муддатга дисквалификация қилинганди.