Facebook фойдаланувчиларга янгиликлар тасмасини бошқариш эркинлигини берди
Facebook ижтимоий тармоғи ўзининг тасмасида янгиликларни бошқариш бўйича ускуналар тўпламини кенгайтирди. Бу ҳақда Wired хабар беради. Фойдаланувчилар кимнинг янгиликларини биринчи навбатда кўрмоқчи эканлигини танлаши мумкин. See first иловаси (вкладка) орқали улар дўстлари рўйхатидан ва саҳифалар ичидан қизиқарлироғини танлаб, кетма-кет жойлаштириб чиқиши мумкин.
Ўзгаришлар аъзо бўлиш созламасига ҳам тегишли бўлди: Facebook постлари фойдаланувчиларга қизиқарли бўлмаган кишиларнинг саҳифасига аъзо бўлмасликни таклиф қилади. Яна алоҳида илова эса аввал бекор қилинган ёзишмаларни тиклаш имкониятини беради.
Ижтимоий тармоқ тавсия этадиган саҳифалар алоҳида иловада акс этади. Ундаги таклифлар фойдаланувчининг хоҳиши ва унга маъқул бўлган саҳифалар таҳлили асосида тайёрланади.
Ўзгаришлар Facebook’нинг iOS дастурларида 9 июлдан, Android қурилмаларида эса бир неча ҳафтадан сўнг йўлга қўйилади.
