БРИКС мамлакатлари Халқаро валюта жамғармасига ўхшаш тизим ташкил этмоқчи

БРИКСга аъзо мамлакатлар (Бразилия, Россия, Ҳиндистон, Хитой ва ЖАР) 7 июль, сешанба куни Москвада шартли валюта захиралари уюшмаси ҳақидаги келишув доирасида иштирокчи давлатлар бир-бирини қўллаб-қувватлаш шартлари бўйича битимни имзолади, деб хабар бермоқда «Коммерсант».

Уюшма валюта захиралари 100 миллиард доллар миқдорида белгиланди. Бунга Хитой 41 миллиард доллар, Бразилия, Ҳиндистон ва Россия 18 миллиард доллардан, ЖАР эса 5 миллиард доллар ҳисса қўшади.

«Ушбу суғурта механизмининг ташкил этилиши БРИКСга аъзо давлатларда молиявий барқарорликни таъминлашга қаратилган», — дейилади Марказий банк хабарида.