Колумбиялик таниқли хонанда Шакира АҚШ президентлигига номзод, миллиардер Дональд Трампни ирқчиликда айблади. «Korrespondent.net»нинг ёзишича, хонанда бу ҳақда Twitter’даги саҳифасида хабар қолдирган.
Икки ҳафта аввал Трамп мексикалик муҳожирларни жиноятчи ва зўравон деб атаб, Мексика АҚШга яхши инсонларни эмас, балки «муаммоларга тўла одамларни» жўнатиши ҳақида айтиб ўтганди.
Шакира АҚШ президентлигига номзод миллиардернинг бу сўзларига кескин муносабат билдирди: «Қари манякнинг бу каби ирқчиликка тўла нутқлари мамлакатни парчалайди ва АҚШдаги демократияга зарар етказади».
Аввалроқ, миллиардернинг можароли нутқидан сўнг, Мексика «Олам гўзали» танловида иштирок этишдан бош тортганди – мазкур танлов ҳуқуқлари айнан Дональд Трампга тегишли.
Изоҳ (0)