АҚШ Ҳарбий-денгиз кучлари (ҲДК)нинг Вашингтондаги қароргоҳида отишма юз бергани ҳақидаги хабарлар тасдиқланмади. Бу ҳақда «Meduza» хабар бермоқда.
Полицияга қўнғироқ қилиб, ёлғон маълумот берган шахс топилган ва ҳозирги вақтда сўроққа тутилмоқда.
ҲДК бош қароргоҳи ва қўшни биноларда эвакуация амалга оширилган. Бундан ташқари, полиция қўшни кўчаларни ҳам ёпишга мажбур бўлган.
Маълумот учун, 2013 йил 16 сентябрида қуролланган жиноятчи ҲДКнинг Вашингтондаги бош қароргоҳида 12 кишини отиб ташлаганди.
Қотил ҲДКда шартнома асосида меҳнат қилиб келган фуқаролик хизматчиси – Аарон Алексис бўлиб чиққан, у отишма вақтида полиция томонидан отиб ўлдирилган.
Изоҳ (0)