Колумбияда футбол ишқибозлари ўқ узиши натижасида икки қиз яраланди

Боготада футбол ишқибозлари Колумбия терма жамоасининг Америка кубоги учун бўлган матчда бразилияликлар устидан эришган ғалабасини нишонлаётганда икки нафар қиз яраланди. Бу ҳақда «Newskaz.ru» R-Sport маълумотларига таяниб хабар беради.

17 июнь, чоршанба куни Сантьягода бўлиб ўтган C гуруҳидаги учрашув колумбияликлар фойдасига 1:0 натижа билан якунланди. Жамоасининг ғалабасини нишонлаётган мухлислардан баъзилари ҳавога ўқ отди.

Ўқ балконда бўлган 9 ва 15 ёшдаги қизлардан бирининг қорин қисмига, бошқасининг эса орқасига тегди.

«Ҳозирда уларнинг соғлиғига ҳеч нарса хавф солмаяпти», — дейди Богота полицияси бошлиғи Умберто Гуатибонса.