18 июнь куни Япониянинг Токио кўрфазига кираверишда жойлашган Американинг Йокосука ҳарбий денгиз базасига АҚШ ҳарбий денгиз кучларининг Chancellorsville ракета крейсери етиб келди. У Aegis кўпмақсадли кузатиш ва хабар етказиш тизими билан таъминланган, деб хабар беради ТАСС.
Бу кемадан ташқари Японияга 2017 йил охиригача яна иккита юқоридагига ўхшаш крейсерларни киритиш режалаштирилмоқда.
База қўмондонлигининг хабар қилишича, Aegis тизимли қўшимча учта кеманинг жойлаштирилиши Вашингтоннинг Хитой ва КХДРни тўхтатиб туришга қаратилган Осиё ва Тинч океани ҳудудига бурилиш стратегиясининг бир қисми ҳисобланади.
Йокосука ҳудудига киритилаётган ушбу АҚШ ҳарбий денгиз кучлари крейсерлари сони, Японияга кузда етиб келадиган Ronald Reagan ҳарбий кемаси билан биргаликда 14 тага етади.
Chancellorsville крейсерининг узунлиги 172 метргача етиб, ундаги гуруҳ 350 кишидан иборат. Кема бир неча турдаги ракеталарни олиб юради.
Изоҳ (0)