Чеченистон раҳбари маъмурияти бошлиғи Магомед Даудов Россия қонунчилигида кўпхотинлилик қонунийлаштирилишини ёқлаб чиқди. Даудовнинг сўзларига кўра, бундай амалиёт кенг тарқалган, шунинг учун уни тартибга солса арзийди. Бу ҳақда Meduza.io хабар бермоқда.
Даудовнинг сўзларига кўра, у Чеченистондаги туман ИИБ бошлиғи Нажуд Гучиговнинг яқин таниши ҳисобланади, шу сабабли ҳам унинг турмуш ўртоғи, 17 ёшли Луиза Гойлабиевани ФҲДЁга олиб келган.
«Мен ҳозир депутат эмасман, бироқ кўпхотинлиликни қонунийлаштиришса, яхши бўларди. Лекин ҳаммаси шариат бўйича бўлиши шарт: агар эркак яна бир аёлни таъминлай олса, нега бунга йўқ дейиш керак? Ахир бундай амалиёт кенг тарқалган, буни қандайдир йўл билан тартибга солишса, ёмон бўлмайди», - деди Даудов.
16 май куни Чеченистон пойтахти Грозний шаҳрида 47 ёшли полициячи Нажуд Гучигов ва 17 ёшли Луиза (Хеди) Гойлабиеванинг тўйи бўлиб ўтди. «Новая газета» маълумотларига кўра, Гучиговнинг ҳали ажрашмаган иккинчи хотини бор эди. ФҲДЁда маълум бўлганидек, Гойлабиева катта ёшли полициячи учун расмий биринчи хотин бўлди, бироқ тўйда унинг биринчи турмуш ўртоғи ҳам иштирок этаётгани ҳақида хабар берилди.
Россия қонунчилигига кўра, бир вақтнинг ўзида икки ёки ундан ортиқ никоҳга кириш имкони йўқ. 18 май куни Россия парламенти қуйи палатасининг Оила, аёллар ва болалар масалалари бўйича қўмитаси раҳбари Елена Мизулина Россия қонунчилигида кўпхотинлилик учун жазо жорий этиш зарур эмас, деб ҳисоблашини маълум қилди.
Рус православ черкови вакили Всеволод Чаплиннинг сўзларига кўра, кўпхотинлилик учун жиноий жазони белгилаш ҳам, кўпхотинлиликни қонунийлаштириш ҳам бир жинсли никоҳларни қонунийлаштиришдек бир хил таъсирга эга ва анъанавий оиланинг бузилишига сабаб бўлади.
Изоҳ (0)