Пекинда ШҲТ Миллий координаторлари кенгашининг навбатдаги йиғилиши бўлиб ўтди

2015 йилнинг 28-30 апрель кунлари Пекин шаҳрида Шанхай ҳамкорлик ташкилотига аъзо давлатлар Миллий координаторлар кенгашининг навбатдаги йиғилиши бўлиб ўтди. Бу ҳақда Ўзбекистон Ташқи ишлар вазирлги матбуот хизмати хабар берди.

Тадбирда Қирғизистон, Қозоғистон, Россия, Тожикистон, Хитой ва Ўзбекистон вакиллари Уфа шаҳрида (Россия) бўлиб ўтадиган Давлат раҳбарлари кенгашининг ҳамда ШҲТнинг бошқа низомий органларининг йиғилишларига тайёргарлик жараёнининг амалий масалаларини муҳокама қилдилар.

Шунингдек, йиғлишда 2015 йил 29 мартдаги Ўзбекистон Республикаси Президенти ва 26 апрелдаги Қозоғистон Республикаси Президенти сайловларида иштирок этган ШҲТ кузатувчилар миссиялари фаолияти якунлари тўғрисида маълумот берди.