Ўзбекистоннинг биринчи рақамли теннисчиси Денис Истомин Туркиянинг Истанбул шаҳрида давом этаётган Istanbul Open турнирининг жуфтликлар баҳсидаги иштирокини ҳам якунлади, деб хабар бермоқда Olamsport.com.
Дунё рейтингида 66-ўринни эгаллаб турган Истомин яккаликда бразилиялик Томаз Белуччига 6:7, 3:6 ҳисобида имкониятни бой берган эди.
Шундан сўнг, Денис қозоғистонлик Андрей Голубев билан бирга жуфтликлар мусобақасининг иккинчи даврасида австралиялик Крис Гуччионе ва бразилиялик Андре Са жуфтлигига ҳам икки сетда бир хил 3:6 ҳисобида ўйинни бой берди. Шу тариқа, Денис Истомин Истанбулдаги иштирокини омадсиз якунлади.