21 апрель куни Буюк Британия қироличаси Елизавета Иккинчи 89 ёшини оиласи даврасида нишонлади, дея хабар бермоқда «РИА Новости». Лондонда унинг шарафига артиллерия салюти отилди.
Қиролича бу кунни ўзининг асосий қароргоҳи — Виндзор қасрида ўтказиб, ҳеч қандай расмий маросимларни режалаштирмади.
Қиролича шарафига Қироллик кавалерия эскадрони Букингем саройи ёнидан парад билан ўтиб, Гайд-паркда замбаракдан ўқ учирди.
Қироллик артиллерияси оркестри салютдан олдин байрамона мусиқий композицияларни ижро этди. Шу билан тантананинг расмий қисми тугади. Елизавета Иккинчининг туғилган кунига бағишланган асосий тантаналар, анъанага мувофиқ, июнь ойида бўлиб ўтади.
Изоҳ (0)